Slik gjør du:

Lag marinaden. Hakk kvitlauken og bland han med olje, honning og rosmarin. legg kyllingen i marinaden og lat han ligge minst 1 time i kjøleskåpet.

Lag dressingen. Del tomatane og paprikaen i to. Behald skalet på kvitlauken. legg tomatane, paprikaen og heile kvitlaukfedd på ein grill. Du kan eventuelt ha dei i ei eldfast form og grille dei i steikeomnen på 200 grader i ca. 1 time.

Fjern skalet på kvitlauken og køyr dei grilla grønsakene og kvitlauken i ein foodprosessor saman med olje, salt, pepar og eddik. Køyr det i 3–4 minutt til ein heilt jamn masse. Finhakk koriander og ha i til slutt. Er dressingen litt tynn, kan du koke han til han vert tjukkare.

Skrell og del raudbetane i bitar. legg dei i ei eldfast form og ha over litt olje. Ha steikefolie over forma. Bak dei i omnen i ca. 30 minutt på 200 grader.

Del opp salaten og skjer raudlauken i tynne skiver. Skrap maisen av kolben. Bland saman alle grønsakene til salaten i ein bolle.

Grill kyllingfiletane eller steik dei i panna. Ha på salt og skjer filetane i skiver når dei er ferdig steikte.

Ha salat på tallerkenen, legg på skiver av kyllingfilet og smuldre fetaost på toppen. Ha over litt salt. Server med dressing.

«Nydeleg sommarsalat!»