Fiskesuppe med reker og blåskjel

Slik gjer du:

Kok fiskekraft av fiskeavskjer frå kvit fisk. Bruk hovud, skinn og bein, men fjern gjeller og blodrand. Skyl det godt i kaldt vatn og ha det i ei gryte med vatn så det dekker. Ha i gulrot, lauk, selleristong, laurbærblad og heil pepar. Lat det trekke på kokepunktet i ca. 20 minutt. Sil krafta.

Reinsk rekene. Finhakk lauken. Skjer gulrot og persillerot i tynne strimlar. Del purren på langs og del han opp i tynne halvmånar.

Vask blåskjela i kaldt vatn og skrubb vekk trådar. Bruk berre levande blåskjel. Gje kvart skjel eit lite knips og kast dei som ikkje lukkar seg.

Ha lauken i ei gryte med smør. Steik lauken på svak varme til han er blank og mjuk. Ha blåskjela i gryta og hell over eplemost eller kvitvin. Kok 2-3 minutt med loket på. Ta opp skjela med ei holsleiv og legg dei på ein tallerken. Kast dei skjela som ikkje har opna seg.

Hell krafta i gryta der blåskjela har kokt. Ha i grønsakene og kok nokre minutt. Hell i fløyten og gi suppa eit oppkok.

Del fisken i bitar på ca. 2 x 2 cm. Ha bitane i gryta, og lat det trekke i 2 minutt. Finhakk urtene og ha dei i. Smak til med salt og pepar. Ha rekene og blåskjela i rett før servering.

Server saman med godt brød. 

«Lag fiskesuppe frå botn av!»