Vurdering

Fløtepudding med blåbær

Kvar sumar plukkar eg så mykje blåbær som mogleg, og fyller frysen. Skogsblåbær er utruleg gode som dei er eller i ein lekker dessert som denne.

Du treng:

150 g blåbær
50 g sukker
3 gelatinplater
5 dl kremfløyte

Topping:

100 g blåbær
25 g sukker
1 ss honning

Slik gjer du:

Kok sukker og blåbær i ein kjele i ca. 10-12 minutt. Ha gelatinplatene i kaldt vatn i ein bolle i ca. 10 minutt. Ha så fløyten i kjelen og kok nokre minutt. Ta kjelen av plata.

Klem vatnet ut av gelatinplatene og ha dei i kjelen. Rør godt til dei er oppløyste.

Hell fløytepuddingen i fine glas eller former, og lat dei stå i kjøleskåpet i minst 4 timar.

Så lagar du blåbærsyltetøy til topping. Kok blåbær og sukker i 1 minutt og avkjøl. Rør inn honning. Hell dette over rett før servering eller når fløytepuddingen har vorte stiv.

Server fløytepuddingen i glaset eller forma han er i, eller på ein desserttallerken. Dersom du vil servere på tallerken, held du formene i kokande vatn i ca. 15 sekund og kvelvar dei. Då er det lettare å få puddingen ut av forma.

«Nydeleg dessert!»

Populære oppskrifter

Gnocchi i form

Lefse

Pikekyss

Mellomgrovt hvetebrød