Vurdering

0
(0)

Jolekake frå Valle bakeri og konditori

Du treng:

  • 5 dl heilmjølk
  • 250 g smør
  • 250 g sukker
  • 250 g rosiner
  • 50 g fersk gjær
  • 1 kg sikta kveitemjøl
  • 1 ts kardemomme
  • safta frå ½ sitron
  • 50 g sukat

Slik gjer du:

Varm heilmjølka og smelt smøret i kvar sin kjele. Tak kjelane av varmen. Hell det smelta smøret over i kjelen med heilmjølk. Ha i sukker og rosiner. Dette gjer at rosinene sveller litt.

Ha i kardemomme og sitronsaft. Sitronsafta fremmar kardemommesmaken. Når væska held ca. 36 grader, smuldrar du i gjæren og rører til han er oppløyst. Ha i kveitemjøl og sukat.

Kna deigen godt og hev han til dobbel størrelse under plast eller eit klede. Del deigen i fire emne. Bak dei som store runde bollar. Bruk ein kvass kniv og skjer rundt kanten av deigemna ca. 3 cm frå botnen. Slå knyttneven ned midt i deigemna. Dette gjev jolekaka ei fin form, og ho sprekk kontrollert under steiking.

Hev ca. 30 minutt. Pensle med egg eller råmjølk og set kakene i omnen. Steik dei midt i omnen på 220 grader i 20–25 minutt.

«Nydeleg jolekake!»

Hva synes du om denne?

Klikk på en stjerne for å gi din vurdering:

Vurdering: 0 / 5. Antall stemmer: 0

Ingen stemmer enda. Bli den første!

Populære oppskrifter