Steikt kjøt i kvit saus

Du treng:

2 ss sikta kveitemjøl
6 dl heilmjølk
600 g salta og røykt lårkjøt av lam eller sau
2 ss smør til steiking

Slik gjer du:

Visp saman mjøl og heilmjølk til ei klumpfri jamning. Lat det svelle i ca. 20 minutt.

Skjer kjøtet i ca. 1 cm tjukke skiver og steik det i ei steikepanne på sterk varme i ca. 2 minutt på kvar side.

Hell jamninga over det steikte kjøtet og lat det småkoke i steikepanna i ca. 10 minutt. Ha i meir heilmjølk dersom sausen vert for tjukk.

Server med kokte poteter og eventuelt kokte gulrøter.

«Nydeleg tradisjonsrett frå Setesdal!»